Ким Чен Ин Путинга Шимолий Кореяга ташриф буюришни таклиф қилди. Бу ҳақда КХДР давлат радиоси хабар берди. Yonhap хабарига кўра, Россия президенти таклифни қабул қилган.
Аммо гап шундаки, Кремль матбуот котиби Дмитрий Песков бир кун аввал Путиннинг КХДРга жавоб ташрифи ҳозирча режалаштирилмаганини айтганди. Иккала томон тарқатаётган икки xил маълумот сабаб ОАВда Путиннинг Шимолий Кореяга ташрифи ҳақиқатда "ростми ёки йўқ?" деган савол туғилмоқда.
“Зиёфатдан сўнг, Ким Чен Ин ҳурматли дўст Россия Президенти Владимир Путинни ўзига қулай вақтда Корея Халқ Демократик Республикасига ташриф буюришни самимий таклиф қилди”, – дейилади КХДР давлат радиоси тарқатган хабарда.
Жанубий Кореянинг Yonhap ахборот агентлигининг КХДР Марказий телеграф агентлигига (КCNА) таяниб хабар беришича, Путин таклифни қабул қилган. Мақола чоп этилган КCNА веб-сайтида ушбу ташриф ҳақида бошқа ҳеч қандай маълумот берилмаган.
Сиёсатчиларнинг фикрига кўра, Путиннинг КХДРга ташрифи ростан ҳам режалаштирилмаган бўлган. Аммо Путин Ким Чен Ин билдирган таклифга рози бўлган. Бунга Россия раҳбари Шимолий Корея етакчисининг "райини қайтара олмагани" сабаб бўлган бўлиши мумкин.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!