Колумбия ғарбидаги Перейра шаҳрида кучли ёғингарчилик оқибатида юз берган кўчкида етти киши ҳалок бўлди ва 29 нафар одам жароҳатланди. Бу ҳақда SNGRD хавфларни бошқариш идораси хабар берди.

“Айни пайтда расмийларга кўра, 29 киши яраланган ва афсуски, 7 киши вафот этган. Ҳудудда қидирув-қутқарув операцияси бошланган”, – дейилади хабарда.

Маълум қилинишича, Доскебрадас муниципалитетидаги кўчки бир нечта турар-жой биноларини қоплаган ва Отун дарёсини тўлдирган. Маҳаллий матбуотда, яна икки нафар фуқаро бедарак йўқолган.
 

• Колумбия
• Табиий офат