Профессионал бокснинг уч дивизионида собиқ жаҳон чемпиони Василий Ломаченко (16-2, 11 КО) енгил вазн тоифасининг мутлақ чемпиони Жорж Камбосос (20-0, 10 КО) билан жанг бўйича келишувнинг барча шартларига рози бўлди. Бу ҳақда бокс инсайдери Майк Коппингер хабар берди.

“Василий Ломаченко енгил вазн тоифасида мутлақ жаҳон чемпиони кичик Жорж Камбосос билан эҳтимолий жанг бўйича келишувнинг барча шартларини қабул қилган. Ушбу шартномада Камбосос мағлуб бўлса, реванш ўтказиш банди мавжуд”, – дейди Коппингер.

Қайд этилишича, Жорж ҳозирча жангга розилигини бермаган. Агар Камбосос Ломаченкога қарши рингга кўтарилса, беллашувни ESPN телеканали трансляция қилинади.

Шунингдек, “Матчроом” промоутерлик компанияси раҳбари Эдди Хирн Боб Арум Василий Ломаченкони WВО йўналиши бўйича мажбурий даъвогарга айлантиришга ҳаракат қилишга уринишини таъкидламоқда. 

Бироқ Ломадан аввал Жорж Камбосос (WBА, IBF, WBО, WBC Franchise чемпиони) ва Девин Хейни (WBC чемпиони) ўртасидаги мутлақ чемпионлик жанги бўлиб ўтиши ҳақида хабарлар мавжуд.
 

• Австралия
• Бокс
• Украина