Кеча, 26 апрель оқшомида Европанинг гранд клублари турли мусобақалар доирасида ўз ўйинларини ўтказишди.
“Манчестер Сити” ўз майдонида “Арсенал”ни қабул қилиб, 4:1 ҳисобида ғалаба қозонди. Учрашувда голларга Кевин Де Брюйне, Жон Стоунз ва Эрлинг Холанд муаллифлик қилишди. “Канонирлар” сафида эса ягона гол Роб Ҳолдинг томонидан киритилди.
“Арсенал” ушбу мағлубиятдан сўнг 75 очко билан мусобақа етакчилигини сақлаб қолди. Бироқ 2 та ўйин захирасида бор бўлган “Манчестер Сити” очколарини 73 тага етказиб, пешқадамни қувишда давом этмоқда.
“Манчестер Сити” – “Арсенал” 4:1
Голлар: 1:0 – 7ʼ Де Брюйне, 2:0 – 45ʼ Стоунз, 3:0 – 54ʼ Де Брюйне, 3:1 – 86ʼ Ҳолдинг, 4:1 – 90 Холанд.
Тур доирасида ўтган яна иккита беллашувнинг бирида “Ливерпул” “Вест Ҳем”ни 2:1 ҳисобида мағлуб этган бўлса, иккинчисида “Челси” “Брентфорд”ни қабул қилди ва 0:2 ҳисобида имкониятни бой берди.
“Вест Ҳем” – “Ливерпул” 1:2
Голлар: 1:0 – 12ʼ Лукас Пакета, 1:1 – 18ʼ Гакпо, 1:2 – 67ʼ Матип.
“Челси” – “Брентфорд” 0:2
Голлар: 0:1 – 37ʼ Аспиликуэта (автогол), 0:2 – 78ʼ Мбемо.
Италия Кубогининг ярим финали иккинчи ўйинида “Интер” ва “Ювентус” жамоалари иккинчи ўйинда майдонга тушишди. Унда миланликлар дастлабки дақиқаларда Федерико Димарко томонидан урилган гол эвазига финалга йўл олди. Биринчи баҳсда 1:1 ҳисоби қайд этилган эди.
“Интер” – “Ювентус” 1:0
Гол: 1:0 – 15ʼ Димарко.
Испания Ла Лигасининг 31-турида “Барселона” “Раё Валекано” меҳмони бўлди ва 1:2 ҳисобида имкониятни бой берди.
Хави шогирдлари 76 очко билан мусобақа пешқадами бўлиб турган бўлса, “Раё Валекано” очколарини 43 тага етказган ҳолда 9-ўринга кўтарилиб олди.
“Райо Валекано” – “Барселона” 2:1
Голлар: 1:0 – 19ʼ Гарсия, 2:0 – 53ʼ Гарсия, 2:1 – 83ʼ Левандовски.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!