Шу йилнинг 14 декабрь куни соат 13:00 атрофида Марғилон шаҳрида Tahoe ва Тiсо машиналари иштирокида ЙТҲ содир бўлгани ҳақида маълум қилган эдик. Айни пайтда мазкур ҳолат юзасидан жиноят иши қўзғатилган. Бу ҳақда Фарғона вилояти ИИБ матбуот хизмати хабар қилмоқда.

Маълум бўлишича, 2023 йил 14 декабрь куни соат 13:00 ларда Марғилон шаҳар А.Яссавий-Тинчлик кўчалари кесишган чорраҳаси автомoбил йўлида фуқаро М.Ю. Chevrolet Tahoe-2 автомашинасини бошқариб кетаётиб, ўзига нисбатан қарама-қарши йўналишга ўтиб, ушбу йўналишда ҳаракатланиб келаётган фуқаро С.Т. бошқарувидаги Тico русумли автомашинага урилиб, йўл транспорт ҳодисасини содир этган.

Натижада Тico русумли автомашина ҳайдовчиси С.Т. тан жароҳати олиб, даволаниш учун шифохонага мурожаат қилган.

Марғилон шаҳар тиббиёт бирлашмаси шифокорининг берган маълумотномасига кўра, С.Т.да оғир тан жароҳати – бош мия чайқалиши, бош мия травмаси, чап оёқ синиши ва бошқа жароҳатлари борлиги аниқланган.

Мазкур ҳолат юзасидан М.Ю.га нисбатан Марғилон шаҳар ИИБ ҳузуридаги тергов бўлими томонидан Жиноят кодексининг 266-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.

• Фарғона
• Marg'ilon
• Суд
• YTH