31°
Кечаси 18°
Республика ҳудудларида 16 декабрдан ҳаво ўзгарувчан бўлади. Айрим вилоятларда кечқурун ёмғир ёки қор ёғиши мумкин, туман тушиши эҳтимоли ҳам бор. Ҳарорат кундузи +5...+13 даража илиқ, кечаси эса 0...-5 даража совуқ атрофида бўлади.
Тоғ олди ва тоғли ҳудудларда ёғингарчилик давом этиб, айрим жойларда қор ёғиши кучайиши мумкин. Хусусан, Тошкент ва Наманган вилоятларининг тоғли ҳудудларида қор кўчиши хавфи сақланиб қолмоқда. Шу боис, аҳолидан эҳтиёткорлик чораларига қатъий риоя қилиш сўралмоқда.
17–20 декабрь кунлари Ўзбекистон ҳудудида ҳаво ўзгарувчан бўлиб, бир қатор вилоятларда ёғингарчилик ва ҳароратнинг пасайиши кузатилади. Айрим ҳудудларда туман тушиши ҳамда шамол тезлигининг ошиши эҳтимоли сақланиб қолмоқда.
Қорақалпоғистон Республикаси ва Хоразм вилоятида асосан ёғингарчилик кутилмайди. Фақат 19 декабрь куни Қорақалпоғистоннинг айрим жойларида қор ёғиши мумкин. Бу ҳудудларда кечаси ҳаво ҳарорати -3...-10 даража совуқ, кундузи эса -2 даража совуқдан +3 даража илиққача бўлади. Шамол шарқий йўналишдан ғарб томонга ўзгариб, секундига 7–12 метр тезликда эсади.
Бухоро ва Навоий вилоятларида 18 декабрь куни айрим жойларда ёмғир ва қор кўринишида ёғингарчилик кузатилиши мумкин. 20 декабрь куни эса баъзи ҳудудларда қор ёғиши эҳтимоли бор. Навоий вилоятининг шимолий қисмларида совуқ кучлироқ бўлиб, кечаси -10 даражагача пасайиши мумкин.
Тошкент, Сирдарё, Жиззах ва Самарқанд вилоятларида 17 декабрь куни ёмғир, 18 декабрь куни ёмғир ва қор, 19–20 декабрь кунлари эса айрим жойларда қор ёғиши кутилмоқда. Ҳарорат кундузи 0...+7 даража илиқ атрофида бўлиб, кечалари айрим жойларда совуқ кузатилади.
Қашқадарё ва Сурхондарё вилоятларида 17–18 декабрь кунлари ёмғир ёғиши, кейинчалик қорга айланиши мумкин. 20 декабрь куни айрим ҳудудларда қор ёғиши кутилмоқда. Ҳарорат аста-секин пасайиб, кундузи 0...+5 даража илиққача тушади.
Андижон, Наманган ва Фарғона вилоятларида ҳам 17–18 декабрь кунлари ёмғир, 19–20 декабрь кунлари эса қор ёғиши эҳтимоли бор. Республика тоғ олди ва тоғли ҳудудларида вақти-вақти билан қор ёғиши давом этиб, йўл ҳаракатида эҳтиёткорлик талаб этилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
