Жорий йилнинг 29 июнь куни ўтказилган “Қорадори-2024” тадбирида 1971 йилда туғилган, Туягум МФЙда яшовчи шахснинг яшаш хонадони холислар иштирокида кўздан кечирилган. Ушбу тезкор тадбирда маълум бўлишича, у хонадонидаги экин майдонида 13 туп марихуана гиёҳванд ўсимлигини парваришлаб келаётганлиги аниқланган. Бу ҳақда Фарғона вилояти ИИБ aхборот хизмати хабар берди.
Шунингдек, жиноятчи томонидан 10 дона 3 литрли идишда 12 кг 537 гр кўкнори бошоқларини, 2 дона 3 литрли идишда 2 кг 570 гр марихуана моддасини, оқ полиэтилен пакетда эса, 41 гр гашиш гиёҳвандлик моддасини ҳамда оқ полиэтилен қопда 22 кг 550 гр кўкнори сомонини сақлаб келаётганлиги аниқланиб, тегишли тартибда ИИБ ходимлари томонидан ҳужжатлар расмийлаштирилган.
Қайд этилишича, жами олинган гиёҳванд моддалар миқдори 37 килограммдан зиёдни ташкил қилган. Ҳозирда мазкур жиноят иши юзасидан терговга қадар текширув ишлари олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!