Қозоғистонда заҳарли ўргимчакларнинг босқини сабаб касалхоналардаги одамлар, чорва моллари нобуд бўлмоқда. Бу ҳақда Tangrinews.kz хабар берди.
Хабар берилишича, Атираю вилоятида заҳарли ўргимчаклар босқини туфайли чорва моллари нобуд бўлган. Улар орасида 63 бош туя ҳам бор.
“Ушбу заҳарли ҳашаротлар сонининг кўпайиши асосан қумли ҳудудларда кузатилмоқда. Заҳарли ўргимчак чақиши натижасида 397 та туя зарар кўрган. Улардан 217 нафари даволанган, 117 бош туя эса ҳозирда даволанмоқда. Касал ва ўлик ҳайвонлардан таҳлиллар олинди, улар ветеринария экспертизасига юборилди”, - деди Атираю вилояти қишлоқ хўжалиги ва ер муносабатлари бошқармаси матбуот котиби.
Шу билан бирга, у касал ва ўлик ҳайвонлар учун компенсация тўланмаганлигини қўшимча қилган.
Мутахассислар чорва моллари эгаларидан туялар, отлар ва сигирларни заҳарли ҳашаротлар бўлиши мумкин бўлган яйловларга олиб чиқмасликларини ва ҳайвонларда касаллик белгилари пайдо бўлса, дарҳол хабар беришларини сўрашмоқда.
Шунингдек, кўплаб қишлоқлар аҳолиси ҳам заҳарли ўргимчаклар чақишидан азият чекмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!