Жаҳон кино саноатида жуда катта шов-шувга эришган “Wednesday” сериалининг иккинчи мавсуми Ирландиянинг Уиклоу графлигида суратга олинади. Мазкур лойиҳа мамлакат тарихидаги энг қиммат фильмга айланади.

Ирландия кинематография кенгашининг маълум қилишича, “Wednesday” ушбу давлатдаги ишлаб чиқариш харажатлари бўйича энг қимматбаҳо ва йирик лойиҳа бўлиши кутилмоқда. Суратга олиш ишлари учун сарф этиладиган маблағ ҳажми маълум қилинмаган.

Фильмга ҳатто Ирландия бош вазири Саймон Харрис ҳамда маданият, спорт ва ОАВ вазири Кетрин Мартин ҳам қизиқиб, суратга олиш майдонига ташриф буюрган. Улар режиссёр Тим Бертон ва сериал иштирокчилари билан учрашди.

Маълум бўлишича, сериалнинг бош роль ижрочиси Женна Ортега иккинчи мавсумга продюсерлик ҳам қилади.

Аддамс оиласига бағишланган “Wednesday” сериалининг биринчи мавсуми Руминияда суратга олинди, аммо съёмка пайтида ижодий жамоа логистика билан боғлиқ муаммоларга дуч келди. 2022 йилда тақдим этилган лойиҳа 250 миллион мартадан ортиқ кўрилди ва тўрт карра "Эмми" мукофотига сазовор бўлди.

• Сериал
• film