Lionsgate кинокомпанияси таниқли қўшиқчи, продюсер ва хореограф Майкл Жексоннинг ҳаёти ва ижоди ҳақида фильм суратга олишни режалаштираётганини маълум қилди. Фильмга томошабинларга “Буюк эквалайзер” ва “Машғулот куни” фильмлари орқали танилган Антуан Фуку режиссёрлик қилади.

Шунингдек, лойиҳа жамоасига сценарий муаллифи Жон Логан ва продюсер Грем Кинг ҳам таклиф қилинган, улар илгари Фредди Меркури фаолияти ҳақидаги “Богемия рапсодияси” фильмида иштирок этган. Актёрлар таркиби ҳали тасдиқланмаган.

Айни пайтда фильм сюжети устида иш олиб борилмоқда. Бироқ, маълумотларига кўра, фильм Майкл Жексоннинг бутун ҳаётини қамраб олади.

• Кино
• Мусиқа
• қизиқарли