Ўзбекистон Республикаси Президентининг 2022 йил 4 апрелдаги ПҚ-194 -сонли Қарорига асосан, Қўмита раисининг биринчи ўринбосари лавозимига  Қаюмов Асадулла Уролович тайинланди. Бу ҳақда қўмита матбуот хизмати хабар берди.

Қайд этилишича, А. Қаюмов 1984 йил Сурхандарё вилоятида туғилган. 2007 йил  Жаҳон иқтисодиёти ва дипломатия университетининг халқаро иқтисодий муносабатлар йўналишини, 2013 йил Япониянинг Васеда университетининг магистратура бизнес бошқаруви йўналишини тамомлаган. 

Мазкур лавозимга тайинлангунга қадар Ўзбекистон Республикаси Президенти Администрацияси Ҳуқуқий экспертиза ва комплекс таҳлил қилиш департаментининг иқтисодий ривожланиш соҳасида тизимли таҳлил қилиш ва янги ташаббусларни ишлаб чиқиш шўбаси бош инспектори лавозимида фаолият юритган. 

Маълумот ўрнида, илк фаолиятини  2007 йил Монополияга қарши курашиш қўмитасида етакчи мутахассис лавозимидан бошлаган ва 2017 йилгача бошқарма бошлиғи даражасигача кўтарилган.

• Аксилмонополия
• Тайинлов