“Музюрак” мультфильмининг учинчи ва тўртинчи қисмлари устида бир вақтнинг ўзида иш олиб борилмоқда. Бу ҳақда Walt Disney Animation Studios директори Боб Айгер Гонконгдаги тадбирда айтиб ўтди.

Маълумотларга кўра, мультфильмнинг 3-қисми 2024 йилнинг февраль ойида “Ҳайвонлар шаҳри-4” анимацион фильми билан биргаликда премьера қилиниши кутилмоқда.

Қўшимча тафсилотлар ҳозирча номаълум. Таҳлилчилар мультфильмнинг биринчи ва иккинчи қисмлари премьераси ўртасидаги 6 йиллик фарқни ҳисобга олиб, навбатдаги қисмлар 2025 йилда омма эътиборига ҳавола этилиши мумкин деб ҳисобламоқда.

Эслатиб ўтамиз, “Музюрак” мультфильмининг илк қисми 2013 йил 27 ноябрь куни катта экранларда намойиш қилинганди. У жаҳон прокатида 1,28 миллиард доллардан кўпроқ даромад келтирган.

Мультфильмнинг давоми 2019 йили премьера қилинган ва 1,45 миллиард доллар даромад келтирган.

• Болалар
• Мултфильм