Наманган вилояти Янгиқўрғон туманида 4 ёшли бола ёнғинда қолиб вафот этди. Бу ҳақда Миллий телеканалининг “Миллар” дастурида хабар берилди.
Маълум бўлишича, ёнғин 23 март куни 3 нафар қариндош бола ертўлага тушиб, ўтин ва хашакларни ёқиши оқибатида юз берган. Ёнғин ичида қолган болаларнинг 2 нафари 2021 йилда, яна бири 2017 йилда туғилган.
Расмий маълумотларга кўра, икки нафар бола дераза орқали қутқариб қолинган. Вафот этган боланинг мурдаси эса бобоси томонидан топилган.
Шифокорларнинг ёрдами сабабли икки боланинг ҳаёти сақлаб қолинган. Туман тиббиёт бирлашмасининг хулосасига кўра, тирик қолган болалар юз, бўйин, иккала қўл, оёқ ва сон қисмларидан куйиш жароҳатини олган.
Марҳумнинг вафотига тананинг 100 фоиз қисми 4-даражадаги куйиш оқибатида юзага келгани, тана қисмларида тўлиқ куйиш жароҳати борлиги кўрсатилган.
Бош прокуратура матбуот котиби Ҳаёт Шамсутдиновнинг билдиришича, мазкур ҳолат юзасидан марҳум боланинг ўлим сабабларини аниқлаш мақсадида суд-тиббий экспертизаси, унинг хонадонида содир бўлган ёнғин сабабини аниқлаш учун ёнғин техникавий экспертизаси тайинланиб, терговга қадар текширув ҳаракатлари олиб борилмоқда.
37°
Кечаси 24°
