Украина президенти Владимир Зеленский ўзининг халққа мурожаатида Россия-Украина урушида Шимолий Корея томонидан берилган қурбонлар уч мингдан ортиқ ўлдирилган ва яраланган ҳарбий хизматчиларни ташкил қилишини маълум қилди.

“Россия Шимолий Корея аскарларини шунчаки йўқ қилмоқда. Нега корейслар Путин учун жанг қилиши керак? Афсуски, дунё ҳамжамияти Россия ва Шимолий Корея ўртасидаги жиноий ҳамкорликка қарши деярли ҳеч нарса қилмаяпти”, – деган Украина раҳбари.

Жанубий Корея ҳарбий разведкаси Шимолий Кореянинг Россия-Украина урушидаги йўқотишларини 1100 кишига баҳоламоқда. Жанубий Корея, АҚШ ва Украина ҳарбий разведкалари маълумотларига кўра, КХДР расмийлари урушда қатнашиши учун Россияга тахминан, 10-12 минг ҳарбий хизматчи жўнатган.

• Путин
• Россия
• Shimoliy Korea
• Украина
• Уруш
• Зеленский