Бу ҳақда Бирлашган Миллатлар Ташкилотининг Жаҳон озиқ-овқат дастури (WFP) ўзининг Х ижтимоий тармоғидаги саҳифасида маълум қилди.

“Исроил қамали туфайли очликдан азият чекаётган оломон БМТ Жаҳон озиқ-овқат дастурининг Дейр ал-Балаҳ шаҳридаги омборига  бостириб кирди. Ҳодиса натижасида икки киши ҳалок бўлди, бир нечта одам яраланди. Ғазода озиқ-овқат ва бошқа ёрдам етказилиши тўхтаган 80 кунлик тўлиқ блокададан сўнг гуманитар эҳтиёжлар назоратдан чиқиб кетди”, – дейилади ташкилот баёнотида.

БМТ гуманитар ташкилотлар учун Ғазо секторига хавфсиз ва тўсқинликсиз кириш имкониятини дарҳол таъминлашга чақирди.

Бунга жавобан, бир кун олдин Исроил мудофаа армияси (САХАЛ) минтақадаги гуманитар инқироз учун БМТнинг ўзини айблаган эди. САХАЛ маълумотига кўра, 400 та гуманитар ёрдам ортилган юк машинаси Ғазода БМТ томонидан тақсимланишини кутиб турибди.

• БМТ
• Фаластин
• oziq-ovqat