Ғазо секторида ўтин теришга чиққан икки бола Исроил ҳужуми оқибатида ҳалок бўлди. CNN хабарига кўра,  29 ноябрь куни эрталаб болаларнинг отаси Тамер Абу Асси нонушта тайёрлаётганида ўтин тугаганини пайқаган. 8 ёшли Фади ва 10 ёшли Жумаа отаси фалаж ва ногиронлар аравачасида бўлгани сабабли ўтин олиб келишга кетган, бироқ қайтиб келмаган. Абу Асси дастурхон ёзиб, уларнинг қайтишини кутаётган вақтда яқин атрофдаги одамлар бошпанага югуриб келиб, икки бола Исроил аскарлари томонидан ўлдирилганини айтган.

“Кафанни очиб, уларни қучоқладим. Кичкина Жужумнинг боши узилиб кетган эди, Худо раҳмат қилсин… Қўллари кесилган, танасининг бир қисми йўқ эди. Фадининг эса ўнг қўли ва чап оёғи узилган эди”, – деди марҳум болаларнинг отаси титроқ оҳангда.

Оила июль кўра, Жумаа ва Фади Бани Суҳеила шаҳрида Исроил дрони ҳужуми оқибатида ҳалок бўлган. Исроил армияси ўз баёнотида ҳужумни тан олиб, болаларни “сариқ чизиқни кесиб ўтиб, ерда шубҳали ҳаракатлар қилган ва Исроил аскарларига яқинлашиб, уларга бевосита таҳдид солган икки шубҳали шахс”, – деб атади.

“Исроил ҳарбий-ҳаво кучлари таҳдидни бартараф этиш учун шубҳали шахсларни йўқ қилди”, – дейилади хабарда.

Маълумот учун, Бани Суҳеила “сариқ чизиқ”дан шарқда, Ғазо секторида Исроил кучлари томонидан назорат қилинаётган ҳудудда жойлашган. Ҳудудда белгилар етарли бўлмагани сабабли ушбу чизиқнинг аниқ чегарасини аниқлаш қийин.

Октябрдан бери ўт июль тўхтатиш режими кучга кирганига қарамай, кўплаб фаластинликлар айнан ушбу кўринмас чизиқ яқинида Исроил кучлари томонидан ўлдирилган.

Икки боланинг ўлими Ғазодаги умумий қурбонлар сонига қўшилди. Фаластин Соғлиқни сақлаш вазирлиги маълумотига кўра, Ғазодаги урушда жами 70 мингдан ортиқ одам ҳалок бўлган: уларнинг 10 мингдан ортиғи аёллар, 20 минг нафари эса болалар. Шунингдек, ўт июль тўхтатиш бошланганидан бери Исроил кучлари томонидан 350 дан ортиқ фаластинлик ўлдирилган.

• Болалар
• Фаластин
• G‘azo
• Isroil
• O'lim
• дрон