Россия томонидан Украинанинг эгалланган ҳудудларида ҳарбий асирлар ва тинч фуқаролар Россия томонидан тайинланган маҳаллий “ҳокимият вакиллари”нинг розилиги билан мунтазам қийнаб келинган. Бу ҳақида БМТнинг Украинадаги ҳуқуқбузарликлар бўйича тергов комиссияси ҳисоботида айтилди.

Янги далиллар Бирлашган Миллатлар Ташкилоти экспертларининг Украинанинг босиб олинган ҳудудларида, айниқса қамоқхоналарда қийноқлар кенг тарқалганлиги ҳақидаги олдинги хулосаларини тасдиқлайди, шунингдек, маҳбусларни қийнашда Россия Федерациясининг «аниқ хизматлар ходимлари» иштирок этганлигини кўрсатади, дейди БМТ Инсон ҳуқуқлари кенгашига тақдим этилган ҳисобот муаллифлари.

“Қийноқларнинг кенг жуғрофий кўлами ва кенг тарқалган шакллари қийноқлар умумий ва қабул қилинган амалиёт сифатида жазосизлик ҳисси билан амалга оширилганлигини кўрсатади”, — деди БМТ комиссияси.

БМТ экспертларининг фикрича, асосан эркакларга нисбатан жинсий зўравонлик Украинада босиб олинган ҳамма қамоқхоналарида қўлланиладиган қийноқ усулларидан бирига айланган.

Маҳбусларни қийнаш ҳақидаги буйруқлари “Россия ҳукуматининг юқори мартабали вакиллари” томонидан берилган.

“Энг ёмони, жиноятчилар ҳамма нарсани жимгина ва профессионал тарзда қилишган, шунинг учун улар кўпчиликни қийнашганини ва улар бизни одамлар деб ҳисобламаганини англадим”, — дея ҳисоботда улардан бирининг сўзлари келтирилади.

Қийноқлар кўплаб жабрланувчиларга жиддий ёки тузатиб бўлмайдиган жисмоний зарар ва жароҳатлар келтирди, дея таъкидлайди БМТ комиссияси. 

• БМТ
• Жаҳон
• Россия
• Украина