ITMO университети қошидаги SCAMT халқаро илмий маркази олимлари тери ости чоклари учун махсус тиббий материал ишлаб чиқишди. Қайд этилишича, бу инфекциялар пайдо бўлишини кузатишга ёрдам беради.

Беморларнинг 10-20 фоизида тиббий операциялар ёки муолажалардан кейин ёмон асоратлар пайдо бўлади. Улар “касалхона фаунаси” туфайли яраларда ривожланади. Янги материалнинг асоси таркиби табиий ўргимчак тўридан иборат. Ўргимчак бу турдаги тўрни радиал тарзда эмас, балки тўғридан-тўғри равишда тўқийди. Шундай қилиб, уларни етарли ҳажмда тўплаш ва қайта ишлаш осонроқ.

Чокларни тўлдирувчи – флоресан хусусиятларга эга углерод нуқталари ҳисобланади. Улар тиббий ипни терининг остида порлашига имкон беради. Бундан ташқари, бу қўшимчалар биологик мос келади ва улар парчаланиши мумкин, яъни улар одамга зарар етказмайди ва токсинлар ҳосил қилмасдан аста-секин парчаланади.

Ушбу жараёнга аталган мақоланинг биринчи муаллифи, ITMO университети магистранти Елизавета Мальцева шундай тушунтиради:

“Шифокорлар одамнинг инфекция юқтирган ёки йўқлигини махсус кўк чироқ ёрдамида аниқлайдилар. Тери остида яллиғланиш бўлмаса, ўргимчак тўри толаси порлайди. Агар патоген танага кирса, флоресан таъсир бўлмайди”.

Тадқиқот муаллифлари технологияни касаллик тарқатувчи ҳисобланган ва энг кенг тарқалган юқумли махсулотларда синаб кўришди. Улар орасида “Staphylococcus aureus”, “E. Coli” ва кандидозни келтириб чиқарадиган қўзиқорин ўрин олган.

Олимлар аллақачон инсон ҳужайраларига нисбатан материалнинг биологик мувофиқлиги ва токциклиги бўйича тестларни ўтказдилар. Келажакда улар фойдали хусусиятларини қанча вақт сақлаб қолишини тушуниш учун материалнинг парчаланишини батафсилроқ ўрганиш режалаштирилмоқда. Кейинги қадам ҳақиқий иш шароитида синовларни ўтказишдан иборат эканлиги маълум қилинган.

• O'rgimchak
• Тиббиёт
• илм-фан