Бугун, 5 октябрь куни футбол бўйича Ўзбекистон Кубоги финалида “Навбаҳор” ва “Андижон” жамоалари ўзаро баҳс олиб борди.

Мазкур учрашувнинг биринчи бўлимида бир қанча хавфли вазиятлар бўлишига қарамасдан ҳисоб очилмади.

Иккинчи бўлим бошида эса наманганликлар дарвозани ишғол этишга муваффақ бўлди. 53-дақиқада Фаррух Сайфиевнинг қанотдан жарима майдончаси ичига етказиб берган тўпини Аброрбек Исмоилов кучли зарб билан дарвозани аниқ нишонга олди.

Шундан сўнг,  82-дақиқада андижонликлар ҳисобни тенглаштирди. Гол муаллифи эса Муҳаммадкарим Тоиров.

Асосий бўлимларда ғолиб номи аниқланмагач, жамоалар қўшимча бўлимларга мурожаат қилди. Иккинчи қўшиб берилган таймда “Андижон” футболчиси Маматказин дарвозани ишғол қилди ва жамоасини олдинга олиб чиқди. Орадан 2 дақиқа ўтиб, “Навбаҳор” футболчиси Табатадзе ҳисобни тенглаштирди.

Бироқ, 120+3-дақиқада андижонликлар Владимир Бубанянинг голи эвазига ғалабани илиб кетди.

Шу тариқа “Андижон” Ўзбекистон Кубоги ғолибига айланди. Қайд этиб ўтиш керак, Андижон клуби ўз тарихида илк бор кубокни қўлга киритди.

Ўзбекистон Кубоги. Финал

“Навбаҳор” — “Андижон” 2:3

Голлар: 1:0 — 53 Исмоилов, 1:1 — 82 Тоиров, 1:2 — 116 Маматказин, 2:2 — 118 Табатадзе, 2:3 — 120+3 Бубаня.

• Андижон
• Навбаҳор