Defence for Children халқаро болаларни ҳимоя қилиш ташкилоти сентябрь ойида Исроил армияси ва исроиллик кўчманчилар томонидан босиб олинган Ғарбий Соҳилда 7 октябрдан бери ўлдирилган фаластинлик болалар ҳақида ҳисобот эълон қилди.

Исроил мерганлари қуролсиз болаларни атайлаб нишонга олмоқда ва ҳақиқий ўқ билан ўққа тутмоқда. Исроил аскарлари ва кўчманчилар томонидан босиб олинган Ғарбий Соҳилда, жумладан Шарқий Қуддусда 2023 йилнинг 7 октябридан 2024 йил 31 июлига қадар 141 нафар фаластинлик бола ўлдирилди.

Исроилликлар томонидан ўлдирилган 141 нафар боланинг 116 нафари тўғридан-тўғри бошига ёки танасига, 18 нафарига эса орқа қисмига отилган, бу – “бола исроиллик аскарларга хавф туғдирмаганининг яққол кўрсаткичидир”.

2000 йилдан бери қатл қилинган фаластинлик болаларнинг 20 фоизи 7 октябрдан кейин ўлдирилган. Ғарбий Соҳилда ҳар икки кунда бир бола ҳалок бўлади.

Исроил ҳукумати 2023 йил 7 октябрдан бери босиб олинган Ғарбий Соҳилда, жумладан Шарқий Қуддусда фаластинлик болаларнинг 18 жасадини мусодара қилган. Жасадларни мусодара қилиш ва сақлаш халқаро гуманитар ҳуқуқ ва халқаро жиноий ҳуқуқни бузиш ҳисобланади.

• Фаластин
• Isroil