Аёлларда витамин ва минераллар тақчиллиги тез сезилади. Негаки, горманал ўзгаришлар, ҳомиладорлик даврида фарзандга ўз захирасидаги витаминларни бериши ҳисобига ўзида тақчиллик сезила бошланади. Бора бора 40 ёшга етгач қўшимча равишда, албатта, қабул қилиши керак бўлган витамин ва минераллар мавжуд.
Бу борада Шифокор Нозима Ўринова ўзининг тиббий маслаҳатларини улашди.

Кальций
Танадаги барча кальцийнинг 99 фоизи суякларда тўпланиб, уларнинг зичлиги ва мустаҳкамлигини таъминлайди. Ўрта ҳаётда репродуктив гормон эстероген даражасининг пасайиши билан кальцийнинг сўрилиши камаяди. Яна бир муаммо шундаки, аёллар кўпинча кальцийга бой озиқ-овқатларни, масалан, сут маҳсулотлари, баргли кўкатлар истеъмол қилмайдилар.

Д витамини
Бу витамин танангизга озиқ-овқатдан кальцийни олиш ва ишлатиш учун керак. Шунингдек, у ҳимоя иммунитет жараёнларида иштирок этади. Бу модда қуёш нури тушганда танангиз ишлаб чиқарадиган ягона витаминлар.

• Маслаҳат
• Шифокор
• саломатлик