“Либерал сиёсатчи президентлик сайловларининг иккинчи турида 53,60 фоиз овоз олиб ғалаба қозонди”, – деб хабар бермоқда Руминия ОАВ.

Унинг рақиби Жорже Симион 46,40 фоиз овоз олган. Симион сайлов участкаларидан олинган дастлабки маълумотларни рад этиб, ўзини ғолиб деб эълон қилган эди. Бироқ кейинчалик у мағлубиятини тан олди ва Данни ғалаба билан табриклади.

“Никушор Дан сайловда ғалаба қозонди, бу — руминия халқининг иродаси”, — деб ёзди Симион Х ижтимоий тармоғидаги саҳифасида.

Руминияда президентлик сайловларининг биринчи тури 4 май куни бўлиб ўтганди. Унда Симион тахминан 41 фоиз овоз, Дан эса 20,99 фоиз овоз олган эди. Иккинчи турда сайловчиларнинг иштироки 64,72 фоизни ташкил этди, бу сўнгги 30 йил ичида, коммунизм қулаганидан кейин ўтказилган президентлик сайловлари орасида энг юқори кўрсаткич бўлди, дея хабар бермоқда Digi24 телеканали.

• Buxarest
• Президент
• Руминия
• saylov