Ўзбекистон 2024 йилнинг январь-май ойларида қиймати қарийб 1,3 млрд АҚШ долларлик тўқимачилик маҳсулотларини экспорт қилган. Бу ҳақда статистика агентлиги хабар берди.

Қайд этилишича, ушбу кўрсаткич умумий экспортнинг 11,8 фоизини ташкил этиб, ўтган йилнинг мос даврига нисбатан 0,5 фоизга ошган.

Шунингдек, экспорт қилинган тўқимачилик маҳсулотлари таркибида тайёр тўқимачилик маҳсулотлари 37,6 фоиз, калава-ип 46,8 фоиз асосий улушни эгаллаган.

Таъкидлаш лозимки, 2024 йилнинг январь-май ойларида дунёнинг 55 та давлатига тўқимачилик маҳсулотлари экспорт қилинган.

• Экспорт
• Hunarmandchilik