Тошкент шаҳрида қалбаки хорижий валютани муомалага киритишга уринган шахс қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти маълум қилди.

Қайд этилишича, Департаментнинг Тошкент шаҳар бошқармаси ҳамда бошқа ҳуқуқни муҳофаза қилувчи органлар ходимлари ҳамкорлигида ўтказилган тезкор тадбир давомида фуқаро А.А. 100 АҚШ доллари купюрасидаги қалбаки 10 минг АҚШ долларини фуқаро Р.З.га 6,5 минг АҚШ долларига сотаётган вақтида ашёвий далиллар билан ушланган.

Тезкор тадбир жараёнида қалбаки пуллар ашёвий далил сифатида расмийлаштириб олинган.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, ҳозирда тергов ҳаракатлари олиб борилмоқда.