Бугун, 23 июнь куни 2026 йилги Жаҳон чемпионати гуруҳ босқичининг иккинчи турида Колумбия терма жамоаси Конго ДР устидан 1:0 ҳисобида ғалаба қозонди. Ушбу натижа Ўзбекистон миллий терма жамоасининг кейинги босқичга чиқиш имкониятларини сақлаб қолди.
Португалияга қарши йирик мағлубиятдан сўнг ўзбекистонлик мухлислар диққатини Колумбия – Конго ДР баҳсига қаратган эди. Колумбиянинг ғалабаси гуруҳдаги вазиятни янада қизиқарли қилди ва Ўзбекистон учун умидни сақлаб қолди.
Эндиликда Ўзбекистон терма жамоаси 3-турда Конго ДРни мағлуб этса, энг яхши учинчи ўринни эгаллаган жамоалар қатори орқали кейинги босқичга чиқиши мумкин.
Айни вақтда Колумбия икки турдан сўнг 6 очко билан муддатидан аввал плей-офф йўлланмасини қўлга киритди. Португалия ҳам муҳим ғалабага эришиб, кейинги босқичга яқинлашди.
Сўнгги турда Ўзбекистон терма жамоаси Конго ДРга қарши майдонга тушади. Учрашув 28 июнь куни АҚШнинг Атланта шаҳрида бўлиб ўтади ва Тошкент вақти билан соат 04:30 да старт олади
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!