Ўзбекистон Республикаси Инвестициялар, саноат ва савдо вазирлигида вазир ўринбосари Акрам Алиев ва Финляндиянинг Марказий Осиёдаги элчиси Илкка Раисанен ўртасида учрашув бўлиб ўтди.

Шунингдек, учрашувда Финляндиянинг Peikko Group, Elematic, AINS Group, Kone ва East Office каби йирик компаниялари вакиллари ҳам иштирок этган.

Маълум қилинишича, конструктив руҳда ўтган суҳбат чоғида янги истиқболли лойиҳаларни амалга ошириш имкониятлари кўриб чиқилди. Ўзбекистон томони мамлакатдаги қулай ишбилармонлик муҳитининг асосий афзалликларини тақдим этди, шунингдек, уй-жой қурилиши ва электротехника маҳсулотлари ишлаб чиқариш каби соҳалардаги янги сармоявий ташаббуслар ҳақида маълумот берди.

Финляндия компаниялари лойиҳаларга катта қизиқиш билдиришди ва уларни амалий амалга оширишга имкон қадар тезроқ ўтиш учун лойиҳадан олдинги ишларни бошлашга тайёр эканликларини билдирдилар. Лойиҳаларнинг бир қисми Финляндия технологиялари ва тажрибасидан фойдаланган ҳолда давлат-хусусий шериклик форматида амалга оширилади.

Учрашув якунлари бўйича томонлар муҳокама қилинган барча йўналишлар бўйича ҳамкорликни чуқурлаштириш ниятларини тасдиқладилар ва 2025 йилга мўлжалланган ҳаракатлар режасини келишиб олдилар.

• Finlandiya
• Ўзбекистон
• qurilish