Жорий йилнинг 16 октябрь куни ижтимоий тармоқларда Оҳангарон туманида вояга етмаган қизга нисбатан номақбул ҳаракатлар содир этилгани ҳақида хабар тарқалган эди. Ижтимоий ҳимоя миллий агентлиги билдирган расмий муносабатга кўра, мазкур ҳолат юзасидан ҳуқуқни муҳофаза қилувчи органлар томонидан жиноят иши қўзғатилган.

Тошкент вилояти Ички ишлар бош бошқармасининг маълумот беришича, гумонланувчи шахс процессуал тартибда ушланган ва унга нисбатан ЖКнинг 118- ва 119-моддаларининг 4-қисми билан жиноят иши қўзғатилган ҳамда “қамоқ” эҳтиёт чораси қўлланилган. Ҳозирда тергов ҳаракатлари олиб борилмоқда.

Ижтимоий ҳимоя миллий агентлиги ҳолатни ўз назоратига олганлигини ҳамда вояга етмаган жабрланувчи қизнинг ҳуқуқлари, психологик ва ижтимоий ҳимоясини таъминлаш мақсадида “Инсон” ижтимоий хизматлар марказининг мутахассисларидан иборат ишчи гуруҳ тузилганлигини маълум қилган.

• Жиноят
• Маҳкум
• Ohangaron