Ўзбекистон ва Туркия ҳукуматлари миллий даражада COVID-19 вирусига қарши курашиш борасида кўрилаётган чора-тадбирлар муҳимлигини таъкидлаб, айрим масалаларда тўғрисида келишиб олишган. Бу ҳақда Саритария-эпидемиология хизмати маълум қилди.

Унга кўра:

– Томонлар давлатларининг қонунчилигига мувофиқ, ваколатли органлар томонидан берилган COVID-19 вирусига қарши эмланганликни тасдиқловчи расмий сертификатларни ўзаро тан оладилар.

– Томонлар эмланганлик тўғрисидаги сертификат эгасига, томонлар давлатларининг ҳудудига COVID-19 вируси тарқалишини олдини олишга қаратилган чекловларсиз киришни кафолатлайдилар.

– Миллий даражада ёки ЖССТ томонидан тасдиқланган вакциналар билан тўлиқ эмланган икки мамлакатдан келган саёҳатчилар, агар эмлаш тегишли ваколатли органлар томонидан тасдиқланган бўлса, ўз мамлакатларига киришда ушбу қоидалардан фойдаланадилар.

Маълумот учун, Ўзбекистон билан Туркия ўртасида эмланганлик сертификатларини ўзаро тан олиш тўғрисидаги Келишув 2022 йил 15 мартдан эътиборан Ўзбекистон ва Туркия учун амал қилади.

• Ўзбекистон
• Сертификат
• Туркия
• Вакцина
• коронавирус