Ҳозирда табиий уран концентрати 3 526 тоннага тенг бўлиб, бу кўрсатгич шу йилнинг ўзида яна 30 тоннага оширилади

Ўзбекистонда 2030 йилга бориб уран ишлаб чиқариш ҳажми 7 100 тоннагача кўпайтирилади.

Келтирилишича, ҳозирда уран захиралари ҳажми 4 761 тоннани ташкил этмоқда. Бу кўрсатгич 2030-йилга бориб 10 500 тоннага етиши прогноз қилинмоқда.

2022 2030 йилларда корхоналар томонидан уран, нодир ва камёб металлар ресурслари ҳамда захираларини кўпайтириш бўйича геология-қидирув, илмий тадқиқот ва тажриба-синов ишлари йўлга қўйилади.

Шунингдек, кадрларга бўлган эҳтиёждан келиб чиқиб, мамлакатда янги таълим йўналишларини очиш бўйича Россиянинг “ММФИ” миллий тадқиқот ядро институти каби бошқа хoрижий ОТМлар билан ҳамкорлик йўлга қўйилади.

Маълумот учун, Ўзбекистон ўтган йилда уран қазиб олувчи давлатлар рейтингидаги бешинчи ўринни қайд этган. Мамлакатда йилига барқарор равишда 3,5 минг тонна уран ишлаб чиқарилади.

• Uran