Bild нашри маълумотларига кўра, 2024 йилда Европа Иттифоқига аъзо мамлакатлар ва Россия ўртасида маҳсулот айирбошлаш ҳажми 67,5 миллиард еврони ташкил этган.

Биринчи ўринни кутилганидек Хитой эгаллаган: ушбу мамлакат билан савдо ҳажми 244,8 миллиард долларга етган, шундан 130 миллиард долларини хитойликлар томонидан Россия нефти, гази ва кўмирини импорт қилиш ташкил этган.

Иккинчи ўриндан эса Ҳиндистон жой олди. Бу мамлакат 12-ўриндан бирданига иккинчи поғонага кўтарилиб, Россия энергетика ресурсларини чегирма асосида сотиб олувчи асосий харидорга айланган.

Бундан ташқари, Ғарбнинг босими ва иккиламчи санкциялар таҳдидига қарамай, Исроил, Арманистон, Ўзбекистон, Туркия, Миср ва Бразилия Москва билан савдо алоқаларини мустаҳкамлаган.

Германия иқтисодий институти ҳисоб-китобларига кўра, ўтган йили Россия экспорти 18 фоизга ўсиб, 330 миллиард долларга етган.

• Экспорт
• Ҳамкорлик
• Импорт
• Россия
• savdo