World Boxing халқаро ташкилоти ўзининг янгиланган расмий рейтингини эълон қилди. Унга кўра, Ўзбекистон терма жамоаси умумий натижалар бўйича биринчи ўринни эгаллаган.

Ташкилотнинг расмий Instagram саҳифасида маълум қилинишича, “Рейтингда Ўзбекистон боксчилари 10 та вазн тоифасининг 6 тасида етакчилик қилди, Қозоғистон эса қолган 4 тоифада пешқадам бўлди”.

Абдумалик Ҳалоков (60 кг), Асадхўжа Мўйдинхўжаев (65 кг), Фазлиддин Эркинбоев (75 кг), Жаҳонгир Умматалиев (80 кг), Акмалжон Исроилов (85 кг) ва Тўрабек Ҳабибуллаев (90 кг) ўз вазн тоифасида пешқадамлик қилмоқда. Қолган тўрт вазнда эса Санжар Тошкенбай (50 кг), Маҳмуд Собирхан (55 кг), Тўрахан Собирхан (70 кг) ва Айбек Оралбай (+90 кг) каби қозоғистонлик чарм қўлқоп усталари етакчилик қилмоқда.

• Бокс
• рейтинг