“Табиий газ учун иситиш мавсумида белгиланган базавий меъёр Республикамизнинг барча ҳудудларида 15 мартга қадар узайтирилди”, – дея хабар бермоқда Энергетика вазирлиги.

Об-ҳаво прогнозларининг янгиланган кутилмаларига кўра, совуқ ҳаво массаси Ўзбекистоннинг бошқа ҳудудларига ҳам кириши эҳтимоли туфайли иситиш мавсуми учун белгиланган 500 куб метр базавий меъёр барча ҳудудларда 2026 йилнинг 15 мартига қадар узайтирилади.

Шунингдек, 15 мартдан кейин эса об-ҳаво шароитидан келиб чиқиб, зарур бўлса, қўшимча чоралар кўрилиши айтилган вазирлик хабарида.

Аввалроқ, Қорақалпоғистон Республикаси ва Хоразм вилоятида газга базавий меъёр 15 мартга қадар узайтирилганди.

• Энергетика_вазирлиги
• Газ
• хабар