Ўзбекистонда январ ойидаги ишсизлик даражаси 9,6 фоизни ташкил этди. Бу ҳақида Бандлик ва меҳнат муносабатлари матбуот хизмати хабар берди.

Қайд этилишича, Ўзбекистонда 2022 йилнинг 1-январ ҳолатида ишсизлик даражаси 9,6 фоизни ташкил этиб, 2021 йилнинг шу даврига нисбатан 0,9 фоизга камайган. Шу билан бирга, 2021 йилнинг январ-сентябр ойларига нисбатан 0,2 фоизга ортган.

Маълум қилинишича, 2021 йилнинг декабр ойида Бандлик ва меҳнат муносабатлари вазирлиги ҳузуридаги Меҳнат бозори тадқиқотлари томонидан республиканинг 108 та шаҳар ва туманларида навбатдаги ижтимоий сўров ўтказилган. Тадқиқот давомида 500 та ўзини-ўзи бошқариш органлари, 5,0 мингта уй хўжаликлари ҳамда 26,5 минг нафар фуқаролар қамраб олинган.

Шунингдек, 2022 йилнинг 1 январ ҳолатида меҳнат ресурслари сони 19 миллион 345,0 минг кишини ташкил этиб, 2020 йилнинг шу даврига нисбатан 101,1 фоизга ёки 202,6 минг кишига ошган. Иқтисодиёт тармоқларида банд бўлганлар сони 13 миллион 538,9 минг кишини ташкил этиб, 2021 йилнинг мос даврига нисбатан 2,3 фоизга (299,3 минг кишига) ошган.

Бундан ташқари, 2022 йилнинг 1 январ ҳолатида расмий секторда банд аҳоли сони 6196,3 минг кишини ташкил қилиб, 2020 йилнинг шу даврига нисбатан юридик шахсларда банд бўлганлар сони 6,3 фоизга ёки 314,8 минг кишига ошгани кузатилди.

Хусусан, ннорасмий секторда банд бўлганлар сони 5 миллион 885,5 минг кишини ташкил этиб, 2021 йилнинг 1 октябр ҳолатига нисбатан 1,0 фоиз ёки 58,4 минг кишига камайган. Ўтказилган тадқиқот натижаларига кўра ишга муҳтож бўлганларнинг умумий сони 1 миллион 441,8 минг кишини, ишсизлик даражаси иқтисодий фаол аҳоли орасида 9,6 фоизни ташкил этди. 16-30 ёшгача бўлганлар орасида ишсизлик даражаси – 15,1 фоиз, аёллар орасида ишсизлик даражаси эса 13,3 фоиз бўлди.

• Bandlik
• Меҳнат
• Меҳнат_вазирлиги
• ishsizlik