Қозоғистонда Ўзбекистондан миграция бўйича рекорд ўрнатилди. Бу ҳақда Sputnik Telegram канали хабар берди.

Қайд этилишича, жорий йилнинг биринчи ярмида Ўзбекистондан Қозоғистонга доимий яшаш учун 4838 киши келган бўлса, атиги 65 нафари чиқиб кетган. Натижада келганлар ва кетганлар орасидаги фарқ 4773 нафарни ташкил қилди.

Бу ўтган йилги кўрсаткичдан 54 фоизга юқори, шунингдек, камида 5 йилликдаги рекорддир, деб хабар беради DataHub таҳлилий портали.

Таъкидланишича, Ўзбекистондан келаётганларнинг асосий қисмини (71 фоиз) қозоқлар ташкил қилади .

Шу билан бирга, кўпинча келганлар Манғистау – (27 фоиз) ва Олмаота – (25 фоиз) вилоятларига жойлашган.

• Миграция
• Қозоғистон