Тожикистон фуқароларига вақтинча Россияга бормаслик тавсия этилади. Бу ҳақда республиканинг Москвадаги элчихонаси хабар берди.

Қайд этилишича, мазкур тавсиялар Россиянинг мамлакат ҳудудига кирувчи хорижликлар устидан назоратни кучайтириши билан боғлиқ.

Сўнгги пайтларда Россияда хорижликларнинг мамлакатга киришини назорат қилиш билан боғлиқ бир қатор қонун лойиҳалари таклиф қилинмоқда.

Хусусан, Россия Рақамли ривожланиш вазирлиги 1 декабрдан давлат ҳудудига кирувчи мигрантларнинг биометрик маълумотларини олишни бошлашни таклиф қилган.

Шунингдек, Россия Давлат Думасининг кенгайтирилган йиғилишида парламент қуйи палатаси раиси Вячеслав Володин мамлакатга кирувчи паст малакали мигрантлар оилаларини киришини тақиқлаш кераклигини маълум қилганди.

• Тожикистон