Бугун, 3 июнь куни “Ҳаж – 2022” мавсумига тайёргарлик кўриш юзасидан брифинг бўлиб ўтди. Унда ҳаж сафари бошланиш куни ҳам маълум қилинди.

Қайд этилишича, Ўзбекистон зиёратчилари шу йил 18 июнь куни “Uzbekistan Airways” авиакомпаниясининг сўнгги русумдаги замонавий ҳаволайнерлари орқали Саудия Арабистонига парвоз қилади. Муборак сафарга жўнаш авиақатновлари шу йил 30 июнга қадар давом этади.

Зиёратчилар мамлакатнинг 7 та ҳудуди – Тошкент, Наманган, Самарқанд, Қарши, Бухоро, Урганч ва Нукус шаҳарларидан ташиш режа қилинган.

 Барча рейслар тўғридан-тўғри Мадина шаҳрига амалга оширилади.

Маълумот учун, зиёратчиларнинг Ўзбекистонга қайттишлари жорий йил 14-31 июль кунларига режалаштирилган.

Эслатиб ўтамиз, бир муддат аввал, Ҳажга бориш учун ёш чегараси 65 ёшгача этиб белгилангани айтилган эди. Ушбу ёш чегарасига 1957 йил 30 июнь кунигача туғилган инсонлар киради.  

• Din ishlari bo‘yicha qo‘mita
• Haj
• Ўзбекистон