Аввалроқ, Хоразм вилоятида Адлия ва ФВБ бошлиқлари Меҳрибонлик уйи мудирасининг “муаммоларини ҳал этишга ваъда бериб”, муассаса тарбияланувчиси бўлган 15, 16 ва 17 ёшли вояга етмаган қизлар билан ўз хоҳишларига қарши тарзда жинсий алоқада бўлиб келишгани ҳақида хабар берилганди.

Ўзбекистон Республикаси Президенти Администрацияси раҳбарининг ўринбосари Комил Алламжонов ушбу ҳолатга муносабат билдирди.

“Педофилларга нисбатан кимёвий кастрация жазосини қўллаш юзасидан қонунчиликка ўзгартириш киритиш вақти келди!” –, деб ёзади у Телеграмдаги каналига жойлаган постида.

Шунингдек, Президент Администрацияси раҳбарининг ўринбосари ушбу жазони қўллашга қарши фикр билдираётганларга ҳам ўз жавобини қайтарган.

“П.С. Агар бу масала дунё тажрибасисиз бўлмайди, қайда бор бу жазо, десангиз Қозоғистон, Украина, Германия, Норвегия, Швеция, Дания, Исроил, Жанубий Корея, Франция, АҚШ ва ҳоказо давлатларни кўринг. Уларда бор экан бу жазо. Хитой, Лотин Америкаси давлатлари, Саудия Арабистони ва Эронда бирйўла ўлдириб юборилар экан” – деб ёзади Алламжонов.

• Комил Алламжонов
• Хоразм