Америка Қўшма Штатларининг Украинага ҳарбий ёрдамининг янги пакети 375 миллион долларга баҳоланмоқда. Бу ҳақда Пентагон расмий сайтида маълум қилинди.

“Унда HIMARS (ғилдиракли шассида жойлашган ракета тизими) учун қўшимча ўқ-дорилар, артиллерия снарядлари, танкка қарши қуроллар ва 375 миллион долларгача қийматда бўлган муҳим қўллаб-қувватлаш активлари киради”, – дейилади ҳарбий департамент хабарида.

Бундан ташқари, пакетга ТOW ва Javelin – танкrа қарши тизимлари ҳамда оғир техникани ташиш учун юк машиналари киритилган.

Президент Жо Байден бугун Хиросимадаги G7 саммити доирасида украиналик ҳамкасби Володимир Зеленский билан учрашувдан сўнг, Киевга қўшимча ёрдам ажратилишини маълум қилган.

• АҚШ
• Pentagon
• Украина