Покистон собиқ бош вазири 69 ёшли сиёсатчи Имрон Хон парламентдаги ишончсизлик вотумини йўқотганидан сўнг давом этган ҳафта давомидаги конституциявий инқироздан кейин кеча, душанба куни Покистон парламенти 70 ёшли Шаҳбоз Шарифни бош вазир этиб сайлади. У мамлакатнинг уч карра бош вазири бўлган Навоз Шарифнинг кичик укаси ҳисобланади.

Имрон Хоннинг ҳокимиятдан кетиши кўча норозиликларига сабаб бўлиш билан бирга Tehreek-e-Insaf партиясидаги тарафдорларининг ҳукумат ўзгаришига норозилик сифатида оммавий истеъфога чиқишига ҳам сабаб бўлган. Қайд этилишича, Имрон Хонга содиқ бўлган 100 дан ортиқ қонунчилар душанба куни истеъфога чиққан.

Агар истеъфолар спикер томонидан қабул қилинса, Покистон икки ой ичида 100 дан ортиқ такрорий сайловлар ўтказиши мумкин. Сиёсий таҳлилларга кўра, бу Шариф ва унинг коалициядаги ҳамкорлари учун катта чалғитиш ва Хон учун уни қўллаб-қувватлаш учун потенциал платформа бўлиши мумкин.

• Бош вазир
• Покистон
• Шаҳбоз Шариф