35°
Кечаси 21°
2022 йил бошида Россия ва Украина раҳбарияти ўртасида воситачи бўлган Исроилнинг собиқ бош вазири Нафтали Беннет икки томон билан алоқалари ҳақидаги хотиралари билан ўртоқлашди. Кеча, 4 февраль оқшомида чоп этилган интервюсида у, бошқа нарсалар қатори, Россия етакчиси Владимир Путин Украинадаги махсус операция бошланишида уни Украина президенти Владимир Зеленскийга жисмоний зарар етказиш хавфи йўқлигига ишонтирганини даъво қилди.
Бу Беннеттнинг 2022 йил ёзида сиёсатдан кетганидан кейинги биринчи интервюси. Қарийб беш соатлик суҳбат давомида у Украина мавзусига тўхталиб ўтган. 2022 йил 5 март куни Москвага сафари ва Кремлда Путин билан учрашганини эслаб, Беннет ўша пайтда Зеленскийнинг тақдирини муҳокама қилганини даъво қилди.
"Мен Зеленский таҳдид остида эканини билардим. У ҳеч ким билмаган қандайдир бункерда яширинган эди. Учрашувдан 3-4 соат ўтгач мен Путиндан Зеленскийни ўлдирмоқчимисиз деб сўрадим. У “Мен Зеленскийни ўлдирмайман” деб жавоб берди. Кейин мен бунга ишонч ҳосил қилмоқчиман, сиз менга Зеленскийни ўлдирмасликга сўз беринг дедим. У яъна "Мен Зеленскийни ўлдирмайман", деб жавоб берди”, дея Беннет Путин билан суҳбат мазмуни ҳақидаги ўз версиясини айтди.
Беннетнинг таъкидлашича, Кремлдаги учрашувдан кейин собиқ бош вазир аеропортга кетаётиб, Зеленскийга қўнғироқ қилиб, хавф остида эмаслигига ишонтирган. Шундан сўнг, Украина президенти “ўз кабинетига қайтиб келган ва у ердан видео ёзиб олиб ҳеч нарсадан қўрқмаслигини айтган.
Исроиллик сиёсатчига кўра, ўшанда Россия раҳбари катта ён босган.
"Ўша шанба куни Зеленский ҳам жуда катта ён босди. Зеленский НАТОга киришдан бош тортди. Бу ҳар икки томоннинг катта имтиёзлари эди”, деди собиқ бош вазир.
Беннет, шунингдек, Украина президенти махсус операция бошланганидан кейин Россия раҳбариятига мурожаат қилишни сўраганини, ўз навбатида бу “ёрдам сўрови” эканини таъкидлади.
"Зеленский менга қўнғироқ қилиб, Путин билан боғланишимни сўради. Менда ҳамма нарса ёзиб олинган. Унинг учун бу жуда қийин эди. Унутманг, ўшанда у кунлари саноқли эканига, уни йўқ қилишларига амин эди”, — деди собиқ ҳукумат раҳбари.
Шу билан бирга, у АҚШ, Буюк Британия, Германия ва Франция раҳбарлари билан “барча ҳаракатларини тўлиқ мувофиқлаштирганини” қўшимча қилди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
