Маълумотларга кўра, Қирғизистон ҳукумати бу ҳафта “Темиров Ливе”, “Айт Айт Десе”, “ПолитКлиника” ва “Арча Медиа” компанияларининг 11 нафар журналистини ҳибсга олди. Президент Садир Жапаров ушбу ҳолат юзасидан муносабат билдирар экан, қўлга олинганлар “профессионал журналист эмаслигини” айтди. Улар ижтимоий тармоқлардан фойдаланиб, турли, жумладан, мамлакат миллий хавфсизлигига таҳдид соладиган маълумотларни “масъулияцизлик билан эълон қиладиган блоггерлардир”.

“Ҳар бир ҳуқуқий давлатда бўлгани каби Қирғизистонда ҳам қонун олдида жавобгарлик бор. Шу муносабат билан маълумотлар ишончлилиги учун ҳар бир шахс, биринчи навбатда ўзини журналист ва блогер деб биладиганлар жавобгар бўлиши керак. Айрим блогерлар ва фаоллар очиқчасига ёлғон ва дезинформация тарқатаётганига кўп маротаба гувоҳ бўлганмиз. Кўпинча қасддан ёки ўзи билмаган ҳолда минтақавий, диний ва миллий адоватни қўзғатишга уринишлар, конституцияга зид хатти-ҳаракатларга, тартибсизликларга чақиришлар бўлган”, — деди у.

Айнан шу ҳолат бўйича президентнинг сўзларига кўра, Адлия вазирлиги ҳузуридаги суд-експертиза хизмати хулосасига кўра, Тожибек қизи Махабоднинг видеомурожаатларида оммавий тартибсизликларга даъват белгилари борлиги аниқланган. Бу Жиноят кодексининг 278-моддаси 3-қисмига мос.

“Бугунги нотинч ва турбулент замонда сўз эркинлиги масъулият билан ёнма-ён кетмоқда. Бугунги кунда демократик ривожланган деб ҳисоблаш мумкин бўлган давлатлар сиёсий мақсадларга эришиш ва жамиятни беқарорлаштириш учун сўз эркинлигидан фойдаланганларга нисбатан аллақачон чекловлар жорий этяпти. Шу муносабат билан биз профилактика чораларини кўришга мажбурмиз, чунки бу тўғридан тўғри мамлакат миллий хавфсизлигига дахлдор”, — деди Жапаров.

• Жиноят
• Қирғизистон
• Sadir Japarov