РИА Новости хабарига кўра, 1 декабрь куни Россия Президенти Владимир Путин Хитой ва Саудия Арабистони билан ўзаро визасиз режимни жорий қилиш тўғрисидаги фармонни имзолади.

Қайд этилишича, 1 декабрь куни Россия бош вазири ўринбосари Александр Новак ва Саудия Арабистони ташқи ишлар вазири Файсал Ал Фархон Ар-Риёдда бўлиб ўтган Россия-Саудия бизнес форумида ҳар икки давлат паспорти эгалари учун визани бекор қилиш тўғрисидаги ҳукуматлараро келишувни имзолаган. Айни пайтда Россия фуқаролари Саудия Арабистони визасини онлайн тарзда ёки мамлакатга етиб келгач, аэропортда олишлари мумкин. Бу виза уларга йилига 90 кунгача мамлакатда қолиш ҳуқуқини беради.

Шу куни Россия Президенти Владимир Путин Хитой фуқаролари учун визасиз режим жорий этиш ҳақидаги фармонни ҳам имзолади.

“2026 йил 14 сентябргача ва шу жумладан, ўзаро муносабатлар тамойилини инобатга олган ҳолда, Хитой Халқ Республикаси фуқаролари Россияга кириш ва Россияда меҳмон ёки хизмат сафари, сайёҳ сифатида 30 кундан ортиқ бўлмаган муддатда қолиш, илмий, маданий, ижтимоий-сиёсий, иқтисодий ва спорт тадбирларида қатнашиш ҳуқуқига эга”,  – дейилади ҳужжатда.

Бироқ ўқиш, ишлаш ёки журналистик фаолият билан шуғулланишни режалаштираётган Хитой фуқаролари учун виза талаби сақланиб қолади. 

Шунингдек, Хитойдан Россия орқали транзит ўтаётган йўловчилар ҳам визадан озод этилади.

• Россия
• Саудия Арабистони
• Visa
• Хитой