Буюк Британиянинг Лондон шаҳридаги Emirates Stadium мажмуасида шахмат бўйича London Chess Classic 2025 турнирининг 8-тур ўйинлари ўтказилди. Мукофот жамғармаси 50 минг фунт стерлингни ташкил этувчи ушбу нуфузли мусобақада дунёнинг энг кучли 10 нафар шахматчилари қаторида ўзбекистонлик гроссмейстер Нодирбек Абдусатторов ҳам бош соврин учун кураш олиб борди. Биринчи турда британиялик шахматчи Гавайн Жонс билан дуранг ўйнаган Абдусатторов кетма-кет олтита ўйинда ғалаба ва битта баҳсда дурангга эришди ҳамда муддатидан аввал мусобақа ғолиблигини қўлга киритди.

Абдусатторов 8-турда энг яқин таъқибчи ва мусобақада биринчи рақам остида сараланган франциялик Алиреза Фирузжага қарши қора доналарда баҳс олиб борди ва дуранг қайд этди. Шу тариқа шахматчи 8 имкониятдан 7 очко жамғарган ҳолда мусобақа якунланишига бир тур қолганда чемпионликни расмийлаштирди.

Маълумот учун, Нодирбек Абдусатторов FIDE Жаҳон кубогидаги муваффақиятсиз иштирокидан сўнг 18,4 рейтинг очколарини йўқотган бўлса, London Chess Classic турниридаги ғалабадан сўнг рейтингини 20 очкога яхшилади ва онлайн жадвалида 22-ўриндан 12-ўринга кўтарилди.

• ФИДE
• Лондон
• Nodirbek Abdusattorov
• Шахмат