1967 йилдан буён Исроил назорати остидаги фаластинликлар учун 2025 йил энг қонли йил бўлди. Бу ҳақда исроиллик 12 та ҳуқуқ ҳимояси ташкилоти тайёрлаган ҳисоботда маълум қилинган.

Билдирилишича, Ғазода бир йил ичида 67 минг нафардан ортиқ фаластинлик ҳалок бўлган. Уларнинг орасида 20 минг бола ва 10 минг аёл бор.

2025 йил давомида Ғазонинг 1,9 миллион аҳолиси мажбуран кўчирилди. Бу сектор аҳолисининг тахминан 90 фоизини ташкил қилади.

Маълумотларга кўра, 1967 йилдан бери Фаластиннинг Ғарбий соҳилида фаластинликлар ерларини эгаллаб келаётган исроиллик гуруҳларнинг зўравонлиги 2025 йилда кескин кучайган ва бу амалда “оммавий қувиб чиқариш”га айланган.

Шунингдек, Исроилнинг гуманитар ёрдам киришини тўсиб қўйиши туфайли очарчилик оммавий ҳалокатга айланди. Биргина июль ойининг ўзида 13 минг болага “оғир озуқа етишмаслиги” ташхиси қўйилган, йил давомида эса очликдан 461 киши вафот этган.

Исроил ва АҚШ назоратидаги ёрдам тарқатиш пункти олдида 2 306 фаластинлик отиб ўлдирилган, яна 16 929 киши яраланган.

• Аёллар
• Болалар
• Фаластин
• G‘azo
• Isroil
• O'lim