5 июнь куни Остона суди қозоғистонлик қўшиқчи Қайрат Нуртасга нисбатан маъмурий ишни кўриб чиқди. У майда безориликда айбланган.

Иш материалларида айтилишича, хонанда Олмаотадан Остонага учаётган самолётда жанжал қилган.

“Олмаота ва Остона рейси бортида майда безорилик ва қасддан баданга енгил шикаст етказиш бўйича маъмурий иш қўзғатилди”, - дея изоҳ берган шаҳар полицияси.

Қайрат Нуртас самолёт салонида жабрланувчи Асилбек Беккаиров билан жанжаллашиб, унинг юзига уриб, соғлиғига енгил шикаст етказган.

Қайрат Нуртас айбини тан олмади ва жабрланувчи биринчи бўлиб унга қўл кўтарганини айтди.

Жабрланувчи судланувчини 15 суткага ҳибсга олишни ва ундан жарима ундирилишини сўраган.

• Шоу-бизнес