“Eurovision-2023” қўшиқ танлови Англиянинг Ливерпуль шаҳрида бўлиб ўтади.

Бошланғич босқичда Британиянинг 20 та шаҳри “Eurovision” ни ўтказиш истагини билдирган. Улардан еттитаси шу миқёсдаги тадбирларни ташкил этишда энг катта тажрибага эга бўлган Ливерпуль, Бирмингем, Глазго, Лидс, Манчестер, Нюкасл ва Шеффилд шаҳарлари танлаб олинди.

Жорий йилнинг май ойида Италиянинг Турин шаҳрида бўлиб ўтган “Eurovision” танловида Украинанинг “Калуш Орчестра” хип-хоп гуруҳи “Стефания” қўшиғи билан ғолибликни қўлга киритди. Иккинчи ўрин Буюк Британияга, учинчи ўрин эса Испанияга насиб этди. Анъанага кўра, қўшиқ танлови аввалги танловда ғолиб чиққан мамлакатда ўтказилади. Украина 2023 йилда “Eurovision-2023” ни ўтказишга тайёрлигини маълум қилди, бироқ EBU иштирокчилар хавфсизлигини таъминлашдаги қийинчиликлар туфайли танловни Украинада ўтказиб бўлмаслигини айтди.

Бироқ, Буюк Британия бош вазири Лиз Трасс ташкилотчилар “Eurovision-2023” Украина маданиятига бағишлашини айтди. “Ливерпульни “Eurovision-2023” танлови ўтказиладиган жой сифатида танлагани билан табриклайман. Ливерпуль ғурурли мусиқий меросга эга бўлган меҳмондўст шаҳар бўлиб, у Украинанинг бой маданияти ва ижодини нишонлаш учун унутилмас шоу намойиш этади”, деб ёзди у ижтимоий тармоқларда.

• Мусиқа
• Европа
• қизиқарли
• танлов