Ўзбекистонлик профессионал боксчи Муроджон Аҳмадалиев 8 апрель куни Техасда ўтказиладиган профессионал бокс оқшоми доирасида рингга кўтарилади.

Ўша куни у ўзига тегишли WBA ва IBF камарларини филиппинлик Марлон Тапалесдан ҳимоя қилади.

Аҳмадалиев шу кунгача проф боксда 11 та жанг ўтказган ва уларнинг барчасида ғалаба қозонган. 8 та жангни у муддатидан олдин якунлаган.

30 ёшли Марлон Тапалес эса проф рингда 39 маротаба рингга кўтарилган. Жангларининг 36 тасида ғалабага эришган (19 та нокаут). 3 та жангда мағлубиятга учраган (2 та нокаут).

Қайд этилишича, оқшомнинг марказий жангида Жесси Родригес ва Кристиан Эрнандес энг енгил вазн тоифасида вакант бўлиб турган IBF камари учун рингга кўтарилади.

• Бокс
• Муроджон Аҳмадалиев
• Ўзбекистон