Бу ҳақда халқаро теннис федерациясининг расмий веб-сайтида хабар берилган. Маросим 23 август куни Нюпорт шаҳрида бўлиб ўтди.

Шараповага нуфузли совринни жаҳоннинг собиқ биринчи ракеткаси Серена Уилямс тақдим этди.

Маросим вақтида спортчининг яқинлари ҳам иштирок этди ва улар кўз ёшларини тийиб тура олмади. Теннисчи ўз нутқида отасига мурожаат қилиб, шундай деди:

“Ҳеч ким бизга ишонмаганда ҳам сиз доимо ишонасиз. Сиз ўз қарорларингизга ишончингиз комил эди. Тўғри қаттиққўл эдингиз, ҳар доим ўз устимда кўпроқ ишлашимни кутгансиз. Лекин ҳеч қачон ота эканлигингизни йоддан чиқармадингиз” -дея нутқ сўзлади спортчи.

38 ёшли Мария Шарапова Евгений Кафелников ва Марат Сафиндан кейин катта тенниснинг Шон-шуҳрат залига учинчи россиялик бўлди. Мазкур нуфузли даргоҳга ҳозирги кунда 28 та мамлакатдан 270 нафар спортчи киради.

Россиялик спортчи дунёдаги биринчи ракетка устаси бўлишга эришган ва барча катта дубулға мусобақаларида ғолиб чиққан ягона россиялик теннисчи ҳисобланади. У фаолиятини 2020 йилда якунлаган.

• Ota-ona
• Россия
• Спорт
• Теннис