Шахмат мухлислари соврин жамғармаси 1 млн 550 минг долларлик мусобақа стартидаёқ Нодирбек Абдусатторов ва Магнус Карслен қарама-қаршилигига гувоҳ бўлишади.

Бугун Саудия Арабистони пойтахти Ар-Риёд шаҳрида шахмат бўйича мукофот нуфузли Esports World Cup Chess турнирига старт берилади.

Esports World Cup Chess турнирининг асосий иштирокчилари сафига саралаш баҳсларидан муваффақиятли ўтиб олган Жавоҳир Синдаров ҳам қўшилган эди. Бугундан бошланадиган турнирда Нодирбек Абдусатторов ҳам бош соврин учун дона суради. Абдусатторов NAVI, Синдаров эса Team Vitality жамоаси номидан мусобақада иштирок этади.

Қуръа натижасига кўра, Нодирбек илк турдаёқ қора доналарда жаҳон тождори, норвегиялик Магнус Карлсен билан ўйнайдиган бўлди. Жавоҳир эса оқ доналарда яна бир рейтинг етакчиларидан бири, америкалик Ҳикару Накамура билан ҳисоб-китоб қилади.

Бугун ва эртага гуруҳ ўйинлари ўтказилади. 31 июль кунига плей-офф, 1 август санасига эса финал учрашувлари белгиланган. Мусобақанинг саралаш ўйинлари 4 та гуруҳда ташкил этилади.

• Магнус Карлсен
• Nodirbek Abdusattorov
• Шахмат
• turnir