Сув — олтинга тенг ресурс. Президентнинг янги қарори билан Ўзбекистонда сувдан самарали фойдаланишни қўллаб-қувватлашнинг мутлақо янги тизими жорий этилмоқда.

Нималар ўзгармоқда?

Катта мақсад: 2028 йилгача 3,5 миллион гектар ерда тежамкор суғориш тизими ўрнатилади. Бу орқали йилига 5 миллиард куб метр сув тежаб қолинади.

🔘Молиявий кўмак: 2026 йилнинг ўзида банклар 2,6 триллион сўм кредит беради, давлат эса 800 миллиард сўм субсидия ажратади.

🔘Янги қоида: Энди технологияни ўз пулига қурмоқчи бўлганларга субсидиянинг 50 фоизи олдиндан ("аванс" сифатида), қолган ярми иш битгач тўлаб берилади.

🔘Хитой тажрибаси: Сувни бошқариш бўйича мутахассисларимиз Хитойнинг Шинжон тажрибаси асосида ўқитилади.

Бу нима беради? Биринчидан, сув тақчиллиги шароитида экинларни кафолатли сув билан таъминлаш имконияти яратилади ва сув исрофи кескин камаяди. Иккинчидан, фермер ва деҳқонлар учун молиявий юк камайиб, замонавий технологияларни жорий қилиш орқали ҳосилдорлик ва даромад ошади. Учинчидан, сув таъминоти оғир бўлган чекка ҳудудлардаги ерларда ҳам такрорий экин етиштириш ва қўшимча ризқ яратиш имкони пайдо бўлади.

• Кредит
• Сув